Տեխնիկական սպասարկման և շահագործման պատասխանատու

Փնտրում ենք Տեխնիկական սպասարկման և շահագործման պատասխանատու, ով պատասխանատու կլինի ընկերության սրճարանների տեխնիկական անխափան աշխատանքի ապահովման համար։ Աշխատակիցը պետք է կարողանա ինքնուրույն լուծել առօրյա և փոքր տեխնիկական խնդիրները, իսկ ավելի բարդ դեպքերում՝ կազմակերպել և վերահսկել մասնագիտացված ծառայություններ մատուցող ընկերությունների և մասնագետների աշխատանքը։ 

Հիմնական պարտականություններ

Սրճարանների առօրյա տեխնիկական սպասարկում

• Էլեկտրականության փոքր խնդիրների լուծում՝ լամպեր, անջատիչներ, վարդակներ և այլն։
• Սանտեխնիկական խնդիրների վերացում՝ ծորակներ, խողովակներ, սիֆոններ և այլն։
• Դռների, բռնակների, փականների, ծխնիների և այլ մեխանիկական մասերի վերանորոգում։
• Զուգարանների և սանհանգույցների փոքր տեխնիկական խնդիրների լուծում։
• Կահույքի, դարակների, սեղանների և այլ տարրերի փոքր վերանորոգում։
• Փոքր շինարարական և վերանորոգման աշխատանքների իրականացում։
• Սրճարաններում առաջացող այլ տեխնիկական խնդիրների արագ հայտնաբերում և լուծում։

Սարքավորումների սպասարկման կազմակերպում

• Սուրճի մեքենաներ և սրճաղացներ
• Սառնարաններ և սառցարաններ
• Օդորակման համակարգեր
• Օդափոխության և վենտիլացիոն համակարգեր
• Ջրի պոմպեր և ֆիլտրացիոն համակարգեր
• Ջեռուցիչներ
• Այլ սրճարանային և խոհանոցային սարքավորումներ  

Արտաքին մասնագետների և կապալառուների հետ աշխատանք

• Կապի հաստատում գործող սպասարկող ընկերությունների և մասնագետների հետ։
• Անհրաժեշտության դեպքում նոր մասնագետների և կապալառուների որոնում։
• Աշխատանքների կազմակերպում և ժամկետների համաձայնեցում։
• Կատարվող աշխատանքների վերահսկում։
• Աշխատանքի որակի ստուգում։
• Անհրաժեշտ պահեստամասերի ձեռքբերման կազմակերպում։
• Ծախսերի վերահսկում։
• Խնդրի վերջնական լուծման ապահովում։ 

Մասնաճյուղերի հետ աշխատանք

• Յուրաքանչյուր սրճարանի ղեկավար տեխնիկական խնդրի առաջացման դեպքում կապ է հաստատում տեխնիկական սպասարկման և շահագործման պատասխանատուի հետ։
• Աշխատակիցը պետք է կարողանա արագ գնահատել իրավիճակը և կայացնել որոշում:
• Ինքնուրույն լուծել խնդիրը ներգրավել մասնագետ կազմակերպել սարքավորման վերանորոգում անհրաժեշտության դեպքում կազմակերպել փոխարինում։

Տեխնիկական խնդիրների հաշվառում-Աշխատակիցը վարելու է տեխնիկական խնդիրների հաշվառում նշելով`

• խնդրի առաջացման մասնաճյուղը,
• խնդրի տեսակը,
• հաղորդման ամսաթիվը,
• կատարված աշխատանքները,
• ներգրավված մասնագետը կամ ընկերությունը,
• կատարված ծախսերը,
• խնդրի լուծման ժամկետը։

Պահանջվող հմտություններ

• Էլեկտրիկայի հիմնական գիտելիքներ
• Սանտեխնիկայի հիմնական գիտելիքներ
• Մեխանիկայի և փոքր վերանորոգման հմտություններ
• Գործիքներով աշխատելու կարողություն
• Տեխնիկական սարքավորումների հետ աշխատելու փորձ
• Տեխնիկական խնդիրների արագ ախտորոշման ունակություն
• Կապալառուների և մասնագետների հետ արդյունավետ հաղորդակցվելու կարողություն
• Կազմակերպչական և համակարգման հմտություններ
• Պատասխանատվություն և կարգապահություն
• Արագ արձագանքելու և խնդիրները մինչև վերջ հասցնելու ունակություն

Մենք փնտրում ենք պրակտիկ և նախաձեռնող մասնագետի, ով չի սահմանափակվի միայն խնդիրը նկատելով, այլ կվերցնի դրա ամբողջական լուծման պատասխանատվությունը։

Հետաքրքրված անձինք կարող են ուղարկել իրենց ինքնակենսագրականը (CV) hr@adamium.com էլեկտրոնային հասցեին` թեմա դաշտում նշելով թափուր հաստիքի անվանումը` «Տեխնիկական սպասարկման մասնագետ - TheJobs.am» կամ զանգահարել 060 434516  հեռախոսահամրով: