Ռեքրութեր - ինչով է զբաղվում, մասնագիտական ակնարկ
Ռեքրութեր/Հավաքագրող. Կամուրջ տաղանդի և թափուր հաստիքի միջև
Աշխատանքի ժամանակակից աշխարհում ռեքրութերի դերը դառնում է էլ ավելի նշանակալից: Այս մասնագետը հանդես է գալիս որպես կապող օղակ լավագույն կադրեր փնտրող գործատուների և տաղանդավոր մասնագետների միջև, ովքեր պատրաստ են իրենց ներդրումն ունենալ ընկերության զարգացման գործում: Սակայն ո±վ է հավաքագրողը, որո±նք են իր պարտականությունները և ի±նչ հմտություններ են անհրաժեշտ իր դերը հաջողությամբ կատարելու համար:
Տաղանդների որսորդներ
Հավաքագրողները, որոնց հաճախ անվանում են տաղանդների որսորդներ, փնտրում են թեկնածուներ, ովքեր համապատասխանում են թափուր հաստիքների պահանջներին: Թեկնածուների որոնման համար նրանք կարող են օգտագործել տարբեր մեթոդներ, ներառյալ տվյալների բազաները, մասնագիտական ցանցերը, սոցիալական մեդիան, երաշխավորագրերը և մասնագիտացված ռեսուրսները: Արդյունավետ հավաքագրողները ակտիվորեն ուսումնասիրում են աշխատաշուկան՝ վերջին միտումներին և փոփոխություններին տեղեկացված լինելու համար:
Ռեքրութերի սահմանում
Հավաքագրողը անձնակազմի հավաքագրման մասնագետ է, ով աշխատում է ինչպես ընկերությունների ներսում, այնպես էլ զբաղվածության գործակալություններում: Հավաքագրողի հիմնական խնդիրն է գտնել, ներգրավել և ընտրել թափուր աշխատատեղերի պահանջներին համապատասխանող թեկնածուներ:
Ռեքրութերի պարտականությունները
Ընկերության պահանջմունքների վերլուծություն - Հավաքագրողը պետք է մանրակրկիտ ուսումնասիրի ընկերության կազմում նոր աշխատակիցների ընգրկման կարիքները, ներառյալ պահանջվող հմտությունները, որակավորումները և մշակութային առանձնահատկությունները:
Թեկնածուների որոնում - Հավաքագրողները օգտագործում են թեկնածուների որոնման տարբեր մեթոդներ, ներառյալ տվյալների բազաները, մասնագիտական ցանցերը, սոցիալական մեդիան և մասնագիտացված կայքերը:
Հարցազրույցների անցկացում - Հավաքագրողները կազմակերպում և անցկացնում են հարցազրույցներ հավանական թեկնածուների հետ' գնահատելու նրանց հմտությունները, փորձը և տվյալ աշխատանքին համապատասխանելիությունը:
Աշխատանքի ընդունման գործընթացի աջակցում - Հավաքագրողները ուղեկցում են թեկնածուներին աշխատանքի ընդունման ողջ ընթացքում ՝ սկսած առաջին անգամ կապ հաստատելուց մինչև պայմանագրի կնքումը:
Թեկնածուների համար դրական փորձի հիմնադրում - Հավաքագրողի աշխատանքի կարևոր բաղադրիչներից է թեկնածուների համար դրական փորձի հիմնադրումը, նույնիսկ եթե նրանք չեն համապատասխանում տվյալ թափուր պաշտոնին: Դա օգնում է պահպանել ընկերության հեղինակությունը և ապագայում ներգրավել լավագույն թեկնածուներին:
Հաջողված ռեքրութերների հմտություններ
Հաղորդակցման հմտություններ - Հավաքագրողը պետք է ունենա հաղորդակցման գերազանց ունակություններ՝ թեկնածուների և ներքին շահագրգիռ կողմերի հետ արդյունավետ շփվելու համար:
Լսելու ունակություն - Կարևոր է ոչ միայն խոսել, այլև լսել ինչպես ընկերության, այնպես էլ թեկնածուների կարիքներն ու ակնկալիքները:
Վերլուծական ունակություններ - Հավաքագրողը պետք է կարողանա վերլուծել թեկնածուների վերաբերյալ տեղեկատվությունը և գնահատել ընկերությունում հաջող գործունեություն ծավալելու նրանց ներուժը:
Կազմակերպչական հմտություններ - Բազմաթիվ առաջադրանքների և գործընթացների արդյունավետ կառավարումը հավաքագրման գործընթացի հաջողության բանալին է:
Էմպատիա - Թեկնածուների կարիքներն ու զգացմունքները հասկանալը օգնում է ստեղծել դրական փորձ և հաստատել վստահելի հարաբերություններ:
Ռեքրութերը պարզապես միջնորդ չէ գործատուի և հավանական աշխատողների միջև, նա հանդիսանում է ռազմավարական կարևոր օղակ, ով նպաստում է ընկերության զարգացմանը և մասնագետների կարիերայի աճին: Հաջողակ հավաքագրողը միավորում է տաղանդն ու հնարավորությունները՝ դարձնելով աշխատանքի ասպարեզն ավելի ներդաշնակ և արդյունավետ:
